საქართველოში აშშ საერთაშორისო განვითარების სააგენტოს (USAID) მისიის დირექტორი პიტერ ვიბლერი საქართველოს შინაგან საქმეთა მინისტრის მოადგილეს იოსებ ჭელიძეს და საგანგებო სიტუაციების მართვის სამსახურის უფროსს თემურ მღებრიშვილს, ამერიკელი ხალხის სახელით საველე ჰოსპიტალებს გადასცემს. აღნიშნული საველე ჰოსპოტალები მნიშვნელოვნად დაეხმარება საქართველოს საგანგებო სიტუაციების მართვის სამსახურს COVID-19-ით გამოწვეული პანდემიის დაძლევაში მთელი ქვეყნის მასშტაბით.
საქართველოსთვის აღნიშნული კარვების გადაცემა აშშ-ს მთავრობის გლობალური მხარდაჭერისა და დახმარების ნაწილია, რომელიც ქვეყანას COVID-19-ით გამოწვეულ პანდემიასთან ეფექტიანად ბრძოლაში დაეხმარება და თანამედროვე აღჭურვილობის ხარჯზე, საგანგებო სიტუაციების მიმართ საპასუხო მზაობა გაუმჯობესდება.